“Qara Cümə” – fürsət bilib tələyə düşməyin

“Qara Cümə” il boyunca ticarət üçün ən önəmli günlərdən biridir. Bəzi platformalar bu günü bir neçə gün və ya həftəyə qədər uzadır. İstehlakçılar isə endirimli məhsul axtarır. Lakin cinayətkarlar da bundan yararlanmağa çalışır.

Bakupost.az xəbər verir ki, “Qara Cümə” zamanı saxta mağaza fırıldaqçıları ilbəil artır. Bu mağazalar gerçəyə çox bənzəyir, məhsulları inanılmaz ucuz qiymətlərlə təqdim edir. Ödəniş prosesi əvvəlcə normal görünür, sonra isə ödənilmiş məhsullar heç vaxt çatdırılmır və pul oğurlanır. Dünyada bu tələyə düşənlərin sayı milyonlarladır.


Nə etməli?

Əgər bir onlayn mağaza, xüsusilə populyar markaların məhsullarını normal qiymətlərin çox altında satırsa, bu dələduzluq əlaməti ola bilər.

Güvənilən mağazalar ünvan, firma məlumatı və vergi nömrəsi kimi hüquqi məlumatları təqdim edir. Əskik və ya kopyalanmış məlumatlar saxta mağazaların tipik xüsusiyyətidir.


Ödəniş üsulu və təhlükəsizlik

Saytda yalnız kredit kartı və ya öncədən ödəniş təklif edilirsə, ehtiyatlı olun.

Brauzer ünvan sətrində “https://” və kilid işarəsinin olub-olmadığını yoxlayın. Yalnız “http://” olan saytlar təhlükəlidir.


Saxta və həddindən artıq müsbət rəylərə inanmayın

Qrammatik səhvlərlə dolu yazılar, tərcümə anlaşılmazlığı, kopyalanan şəkillərlə və qeyri-peşəkar hazırlanmış səhifələr fırıldaqçı saytların əlamətidir.

Yalnız müsbət rəylər, heç bir mənfi rəyin olmaması və şişirdilmiş qiymətləndirmələr yanıldıcı ola bilər.

Həqiqi müştəri rəylərini müstəqil saytlar vasitəsilə yoxlamaq daha təhlükəsizdir.

Bu ehtiyat tədbirləri onlayn – xüsusilə “Qara Cümə” alış-verişinizi daha təhlükəsiz etməyə kömək edəcək.

Cavid, BakuPost