Region ölkələri İT ixracını artırdı - Azərbaycan niyə geri qalır?

Bakupost.az xəbər verir ki, bu fikirləri tanınmış İKT eksperti Osman Gündüz bildirib.

Ekspert region ölkələrində son 5 ildə İT eksportun dinamikasını təqdim edib:

1. Qazaxıstan

2020-ci ildə İT sahəsində eksport 30 milyon $ olub, 2023-də 500 milyon $ olub, hazırda İT eksport 1.2 milyard $ civarındadır.

2. Özbəkistan

2022-ci ildə İT eksport 100 milyon $ olub, hazırda təxminən 1 milyard civarındadır

3. Ermənistan

5 il öncə təxminən 300 milyon $ olub

2025-də 1 milyard $-ı keçib ( Xidmət ixracının 20%-i İT eksportdur)

4. Ukrayna

Çoxdan 1 milyardı keçib

Hazırda İT eksport 5-6 milyard $ həcmindədir

5. Azərbaycan

Bildiyim qədər bu rəqəm 100 milyona yaxındır.

RINN, İRİA daha dəqiq bilər :)

Azərbaycanda da son dövrlərdə rəqəmsal infrastrukturun yenilənməsi, rəqəmsal transformasiya sahəsində dinamika, müsbət addımlar müşahidə olunur. Prezident tərəfindən ciddi tapşırıqlar verilib.

Sektorda dinamikanı, prosesləri sürətləndirmək üçün yeni kordinasiyaedici qurum - Rəqəmsal İnkişaf Şurası formalaşdırılıb, real maliyyə dayaqlarına söykənən Fəaliyyət Planı qəbul edilib.

Lakin çox, hədsiz çox ləngiyirik. Bu gedişlə rəqəbətədavamılılq gələcəkdə daha çətin ola bilər".

"Real, işlək dəstək mexanizmləri olmalıdır. Biznesi, startapları böyük layihələrə cəlb etmək lazımdır.

Bir daha təəssüflənirəm ki, İRİA-nın İT sektora dəstək sahəsində addımları hələlik qənaətbəxş deyil, proseslər çox ləng gedir.

Elə son günlər DVX tərəfindən açıqlanan "100 ən çox vergi ödəyicisi" siyahısından İT sektordakı vəziyyətin necə olması açıq-aşkar görsənir. Bu siyahının açıqlanmasından sonra hökumət gərək həyəcan təbili çalaydı, cavabdeh qurumlardan hesabat tələb edəydi. Lakin hələlik heç bir tərpəniş müşahidə olunmur.

Ümdi edirəm aidiyyəti qurumlar da mövcud vəziyyətin fərqindədirlər".