Rusiyalı sambo və cüdoçu, Rusiya çempionatının mükafatçısı Vatsilov Davudov Dağıstanın Mahaçqala şəhərində güllələnərək öldürülüb.
"Bakupost" xəbər verir ki, 31 yaşlı idmançı “Mərakeş” banket zalında keçirilən tədbirdə iştirak edərkən hücuma məruz qalıb.
Dağıstan İstintaq Komitəsinin məlumatına görə, hərəkətdə olan qara rəngli avtomobildən idmançıya atəş açılıb. Güllə Davudovun başına dəyib.
Yaralı idmançı xəstəxanaya aparılsa da, yolda həyatını itirib.
Hadisəni törədən şəxslərin axtarışı ilə əlaqədar şəhərdə “Tutma” planı elan edilib. Hücum edənlərin axtarışı davam edir.