Rusiyanın 4 milyard avrosu Ukraynaya verildi

Bakupost.az xəbər verir ki, bu barədə Avropa Komissiyasının açıqlamasında bildirilib.

Məlumata görə, bu məbləğ Aİ-nin Kiyevə göstərdiyi makromaliyyə yardımının doqquzuncu tranşıdır.

Ayrılan vəsaitin yarısı pilotsuz uçuş aparatlarının (PUA) istehsalına yönəldiləcək.

Ümumilikdə Aİ-nin Ukraynaya ayırdığı dəstəyin həcmi artıq 178 milyard avroya yaxınlaşır.

Qeyd edək ki, daha əvvəl ABŞ Senatına Ukraynaya aylıq ən azı 10 milyard dollar həcmində dondurulmuş Rusiya aktivlərinin ötürülməsi barədə qətnamə layihəsi təqdim edilmişdi. Moskva isə belə addımları “oğurluq” kimi qiymətləndirib və cavab tədbirləri görəcəyini açıqlayıb.

Xatırladaq ki, dondurulmuş Rusiya aktivlərinin əsas hissəsi Avropada saxlanılır. Lakin bu vəsaitlərin istifadəsi ilə bağlı Aİ daxilində fikir ayrılığı mövcuddur.

Məsələn, Fransa prezidenti Emmanuel Makron beynəlxalq hüququn pozulmasının “tam xaosa” gətirib çıxara biləcəyini bəyan edib.

Kremlin sözçüsü Dmitri Peskov isə bildirib ki, Rusiya aktivlərinin müsadirəsi halında Moskva müvafiq addımlar atacaq.

Prezident Vladimir Putin isə xəbərdarlıq edib ki, beynəlxalq normaların pozulması və “başqasının aktivlərinin oğurlanması” bu addımı atan ölkələrin özləri üçün ciddi problemlər yaradacaq.