Rusiyanın müharibədəki rəsmi itkisi 152 mindir – Kəndlərdə kişi qıtlığı yaranıb

BBC Rus Xidməti və “Mediazona”nın yenilənmiş hesablamalarına görə, genişmiqyaslı Rusiya-Ukrayna müharibəsi başlanandan bəri Rusiya ən az 152 142 hərbçi itirib. Hesabat noyabrın 28-də dərc olunub.

Bu rəqəm yalnız adları müəyyən edilən və açıq mənbələrdən təsdiqlənmiş ölümləri əhatə edir. Xəbər agentlikləri vurğulayır ki, bu statistikaya özünü elan etmiş DQR və LQR separatçılarının itkilər daxil deyil. BBC-nin qiymətləndirməsinə görə, real itkilər 234 min ilə 338,1 min arasında ola bilər. Separatçı bölgələrin də ölüləri nəzərə alanda bu rəqəm 361 minə çatır.

Bakupost.az xəbər verir ki, araşdırmalar göstərir ki, 67%-i 100 min nəfərdən az əhalisi olan şəhər və kəndlərdən cəbhəyə göndərilib. Böyük şəhərlərdə yaşayan əhali isə müharibədə az iştirak edir.

Hesabatda yaşayış yerini müəyyən olunan 90 600 nəfərin məlumatları toplanıb. Onların bölgüsünə görə:

Milyonluq şəhərlər üzrə 29 469 nəfər (33%)

10-99 min əhali: 24 160 nəfər (27%)

10 min nəfərdən az əhali: 35 729 nəfər (40%)

Rəqəmlərə görə, hər 10 min nəfərə düşən ölü sayına görə ən yüksək itkilər Tyva (171), Buryatiya (139) və Altay Respublikası (113) bölgələrindədir. Əksinə, böyük şəhərlərdə, məsələn, Sankt-Peterburq, Rostov və Krasnodarda ölümlər nisbətən azdır. Ən aşağı göstərici – 10 min nəfərə 5 ölümlə Moskvada qeydə alınıb.

Bildirilir ki, aradakı fərq əməkhaqqı, təhsil və iqtisadi inkişaf səviyyəsi ilə bağlıdır. Müharibədə iştirak əsasən kasıb bölgələrdəki maaşları aşağı və iş imkanları məhdud olan kasıb insanlar üçün cəlbedicidir.

Kiçik kəndlərdə işlək yaşlı kişilərin müharibəyə göndərilməsi həyat şəraitinə ciddi təsir göstərir. Məsələn, Kamçatka bölgəsinin Sedanka kəndində 475 sakindən (2021) 224 nəfər (2024). Onların da 67 kişidir. Kəndən son 4 ildə 39 nəfər müharibəyə yollanıb.

Kişi qıtlığı səbəbindən işçi qüvvəsi azalan kənddə həyat şəraiti pisləşib. Kənddə odun doğramağa, yer şumlamağa adam yoxdur. Elə buna görədir ki, 2025-ci ilin avqustunda Sedankaya “qəhrəman kənd” statusu verilib.

Cavid, BakuPost