Şuşanı Arzumanyan təslim edib - Ermənistandan rəsmi açıqlama

Bakupost.az xəbər verir ki, bu məlumatı erməni Teleqram kanalları yayıb.

Bildirilir ki, İstintaq Komitəsi general-leytenant Mikayel Arzumanyanın həbsinin səbəbini açıqlayıb. Açıqlamada deyilir:

“Arzumanyan 2020-ci il oktyabrın 30-dan noyabrın 9-dək Şuşi şəhərinin və ona bitişik rayonların müdafiəsinin təşkili zamanı xidməti vəzifələrinə səhlənkar münasibət göstərmiş, onları lazımınca yerinə yetirməmişdir. Belə hərəkətlər səhlənkarlıq nəticəsində ağır nəticələrə səbəb olmuşdur - düşmən silahlı birləşmələri Şuşi şəhərini və ona yaxın əraziləri tamamilə nəzarətə götürmüş, erməni birləşmələri itkilər vermiş və yaralananlar olmuşdur"

Qeyd edək ki, avqustun 30-da Arzumanyanın həbsi barədə qərar qəbul edilib.

İstintaq Komitəsinin açıqlamasına ironiya ilə yanaşan erməni teleqram kanalları xəbərə belə bir qeyd əlavə ediblər: "Azərbaycan qoşunları Şuşa yaxınlığında necə çatdı, İstintaq Komitəsi susur. Bunkerdəki mülki şəxslərdən kim hərbçilərə daim göstərişlər verirdi, İstintaq Komitəsi susur. Şuşi filialından Mərkəzi Bankın aktivlərini tələm-tələsik çıxaran, sonra isə şəhəri azərbaycanlıların ixtiyarına verən kimdir, İstintaq Komitəsi susur".