İranın Ali Milli Təhlükəsizlik Şurasının katibi Möhsün Rzayi “Türkiyə, Səudiyyə Ərəbistanı, İordaniya və İraqı İsrail işğalından İran və Müqavimət Cəbhəsi qorudu” deyib. Bu barədə “CNN Türk” kanalında türk ekspertlər ciddi reaksiyalar sərgiləyib.
"Bakupost" xəbər verir ki, araşdırmaçı jurnalist Elbəyi Həsənli bu iddianı əsaslandırılmayan, İranın rolunu şişirdən təbliğat ritorikası adlandırıb.
“Xüsusən İsrailin Türkiyəni işğal etməsi qətiyyən mümkün deyil. Hətta ən avanturist politoloqlar belə bunu heç ehtimal kimi də dilə gərirmirlər”, - o bildirib.
Jurnalist xatırladıb ki, Məkkə Müdafiə Sazişi isə Türkiyə, Səudiyyə Ərəbistanı və Pakistan arasında imzalanıb:
“İran rəsmiləri rəsmi dəvət almadıqlarını, amma regional təhlükəsizlik barədə dialoq təkliflərinin müzakirə olunduğunu bildiriblər. Deməli, İranın bu sazişə qoşulmaq istəyi var. Buna baxmayaraq, belə aşağılayıcı bəyanat verirlər.
Əlbəttə, İranın təbliğat bəyanatları qüvvələr nisbətini dəyişmir. Türkiyə 1952-ci ildən NATO üzvüdür; ölkənin müdafiə sənayesi də genişlənərək, 2025-ci ildə 10 milyard dollardan çox ixrac həyata keçirib. Ən azı bu faktlara görə Rzayinin “İran Türkiyəni işğaldan xilas etdi” iddiası gülünc görünür. İsrailin Türkiyəni işğal edəcəyi barədə bu çıxış real hərbi ssenaridən çox, İranın özünü olduğundan böyük göstərmək cəhdindən başqa bir şey deyil”.
MEDİA 
