Yuxusuzluq ölümə səbəb ola bilər - Dəhşətli xəbərdarlıq

"Bakupost" Publika.az-a istinadən xəbər verir ki, bu barədə həkim Eduard Estivill xəbərdarlıq edib.

Həkimin sözlərinə görə, cəmi bir gecə yuxusuz qalmaq yorğunluq, əsəbilik və diqqətin cəmlənməsində çətinlik yaradır. 48-72 saat sonra isə vəziyyət daha da ağırlaşır. İnsanda orientasiya pozğunluğu, emosional qeyri-sabitlik və məntiqi düşüncədə problemlər ortaya çıxa bilər.

Bəzi hallarda hallüsinasiyalar və insanın özü hiss etmədən bir neçə saniyəlik huşunun sönməsi də müşahidə olunur. Belə vəziyyətdə insan özünü hələ də ayıq hesab edə bilər.

Estivill bildirib ki, kəskin yuxu çatışmazlığı orqanizmin müxtəlif sistemlərinin fəaliyyətini pozur. Xüsusilə böyrək çatışmazlığı riskinin artması və koqnitiv qabiliyyətlərin tədricən zəifləməsi təhlükəlidir.

Həkim “İnsan yatmasa, ölə bilərmi?” sualına isə “bəli” cavabını verib.