Zəka, bilik və anlayış - Dünyanın ən gözəl insan adı...

Bakupost.az Teleqraf-a istinadla xəbər verir ki, bu barədə “Blikk” yazıb.

Sofiya adı bir çox dillər və mədəniyyətlərdə istifadə olunur.

Araşdırmaçılar tədqiqat zamanı təxminən 100 müxtəlif adı analiz ediblər. İştirakçılar adları səslənməsinə görə qiymətləndiriblər və Sofiya adı davamlı olaraq ən yüksək qiymətləri alıb.

Tədqiqatçılar bunu yumşaq samitlər və ahəngdar saitlərin harmonik birləşməsi ilə izah edirlər. Buna görə də ad qulaq üçün xoş səslənir. Birminqem Universitetinin dilçiləri də deyirlər ki, Sofiya adı təkcə səslənişi ilə deyil, həm də zəngin mənası və tarixi ilə seçilir.

Sofiya qədim yunan sözüdür, mənası “müdriklik” deməkdir. Ad antik yunan mədəniyyəti ilə sıx bağlıdır, zəka, bilik və anlayışı simvolizə edir.

Erkən xristianlıq dövründə adın populyarlığı daha da artıb. Bu, II əsrdə yaşamış Roma-xristian şəhidi Müqəddəs Sofiya ilə də əlaqələndirilir. Əvvəlcə ad Roma İmperiyasının yunandilli vilayətlərində yayılıb, XVI əsrdən isə slavyan ölkələri və Qərbi Avropada geniş istifadə olunmağa başlayıb.