425 min nəfər öldü, hər il 500 milyard gedir, asılı dövlət oldu...

Bakupost.az xəbər verir ki, bu sözləri politoloq Xaqani Cəfərov qeyd edib.

O bildirib ki, Rusiyanı aclıq və yoxsulluqdan qurtararaq zənginlik qazandıran neft, qaz və daş kömür sənayesi çöküb:

“Daş kömür və qaz sənayesi zərərlə işləyir. Neft sənayesi də son sanksiyalardan sonra sürətlə gəlirlərindən məhrum olur. Rusiya Dəmir Yolları zərərlə işləyir və 6 trilyon rubl borcunun faizini ödəyə bilmir. Bütün bunlar müharibənin daha bahalı olduğu, savaşın bir ilinin 500 milyard dollara başa gəldiyi bir zamanda baş verir.

Ukraynanın ay ərzində zərərsizləşdirdiyi Rusiya əsgərlərinin sayı ay ərzində səfərbər edilənlərin sayını ötüb. Buna görə də Rusiya irimiqyaslı hücumlar təşkil etmək qabliyyətini itirib. Halbuki Rusiya 2022-ci ilin martında indi olduğundan daha çox Ukrayna ərazisinə nəzarət edirdi. Bu o deməkdir ki, bir milyona yaxın əsgərin qurban verilməsi 2022-ci ilin martındakı üstünlüyü qorumağa imkan verməyib. Ukrayna Rusiyanı nəhəng itkilər verməyə vadar etməklə yanaşı, 2022-ci ilin martı ilə müqayisədə işğal altındakı torpaqlarının önəmli bir hissəsini azad edib.

Bütün bunlar göstərir ki, 2022-ci ilin martında İstanbulda aparılan danışıqlarda Ukraynanın sülh adı altında əslində kapitulyasiya vadar edilməsinin qarşısını alan Böyük Britaniyanın ovaxtkı Baş naziri Boris Conson Rusiyanın müstəmləkəçi siyasətinin qarşısının alınmasına necə böyük tarixi xidmət göstərib. İstanbul danışıqlarında Rusiya nümayəndə heyəti müharibənin dayandırılması üçün Ukraynadan Krımın və dörd vilayətinin (Donetsk, Luqansk, Herson və Zaporojye) ilhaqını tanımağı, təzminat ideyasından imtina etməyi, neytral statusunu qanuniləşdirməyi və ordusunun sayının 185 min nəfərə qədər azaldılmasını tələb edirdi. Bu gün Rusiya daha Xerson və Zaporojye vilayətlərini tələb etmir. Üstəlik, Ukraynanın 800 minlik orduya sahib olmaq, Avropa İttifaqına intiqrasiya haqqını qəbul etmək məcburiyyətində qalıb.

Rusiya beynəlxalq münasibətlərdə söz sahibi dövlətdən ABŞ-ın hər elədiyinə səssizcə tamaşa edən, qlobal enerji bazarlarında qayda müəyyənedici dövlətdən azsaylı alıcısının mərhəmətindən asılı düşmüş dövlətə çevrilib.

Bütün bunlar 2022-ci ilin martında İstanbulda aparılan danışıqlarda Ukraynanı kapitulyasiya vadar edilməsi prosesinin qarşısını alan Böyük Britaniyanın Baş naziri Boris Conson tarixi xidmətidir.

Ukraynanı kapitulyasiyadan, bununla da digər postsovet respublikalarını Rusiyanın işğal təhlükəsindən xilas edilməsinə böyük töfhə verən Boris Consonun tarixi xidməti layiqincə qiymətləndirilməlidir”.