Ru
14:55 / 01 Aprel 2023

550-dən çox uşağı olan kişi məhkəməyə verildi

10916
Dünyada yüzlərlə uşağın bioloji atası olan hollandiyalı sperma donoru məhkəməyə verilib.

Bakupost.az xarici KİV-nə istinadən məlumat verir ki, məhkəmədə iddianı Hollandiyanın Uşaq Donor Fondu qaldırıb. Fond adı qara siyahıda olan hollandiyalı sperma donoru, 41 yaşlı Conatan M.-nin daha sperma bağışlamasını istəmir. Çünki sperma donorluğu ilə uşaq sahibi olan ailələr eyni donordan olan yüzlərlə uşağın qohum evliliyi riski ilə üzləşə biləcəyindən narahatdırlar.

Hollandiya qanunlarına görə, donorlar maksimum 12 qadına sperma verə və 25 uşağın bioloji atası ola bilərlər. Bu, eyni donordan olan uşaqların bir-biri ilə cinsi əlaqəyə girməsinin və irsi xəstəliklərin yayılmasının qarşısını almaq üçündür. Lakin qanuni maneələrə baxmayaraq Conatan gizlin ianələr edib. Onun Hollandiyada 102 uşağın bioloji atası olduğu müəyyən edilib. Ölkəsində donorluğu qadağan edilsə də, Conatan dünyanın müxtəlif yerlərindəki sperma banklarına və şəxslərə sperma bağışlamaqda davam edib. Hazırda müxtəlif ölkələrdə 550-dən çox uşağı var. Bu üsulla dünyaya gələn uşaqlar 16 yaşına çatdıqda bioloji atasının kimliyini öyrənə bilərlər.

Qeyd edək ki, Hollandiya Uşaq Donorları Fondu Conatandan indiyə qədər əməkdaşlıq etdiyi xarici klinikaların siyahısını təqdim etməsini tələb edib.

Fond bildirib ki, milli hökumətlər bu şəxs haqqında heç nə etmir. Onun internet vasitəsilə bütün dünyaya çıxışı var və beynəlxalq səviyyədə fəaliyyət göstərən böyük sperma bankları ilə iş aparır.

Əfsanə
BakuPost
Şərhlər
  • t.ədalət

    Conatanın yeri Azərbaycandır.Vələdizina uşaq doğmağa meyilli olan qadınlar bizdə daha çoxdur.Dini qaydalara tam zidd olan,kəbindənkənar bic uşaqlara görə qiyamət gününün də böyük cəzası var.Özgə spermadan uşaq doğmaq elə fahişəlik etməkdir.Ərə xəyanətdir.

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər