11:24 / 17 Yanvar 2023

Baxramçiklər erməni və rusları daha mədəni hesab edir - Sərt reaksiya

7787

"Problem bilirsinizmi nədir? Baxramçiklər 1990-cı ildən əvvəl Bakıda birgə yaşadıqları erməniləri, rusları və yəhudiləri özlərindən daha savadlı, daha mədəni hesab edir və yaltaqcasına "biz bakılı millətiyik" deyirdilər".

Bakupost.az xəbər verir ki, bunu jurnalist, tədqiqatçı Nazir Əhmədli bildirib.

O, qeyd edib ki, Qərbi Azərbaycandan gələnlər erməniləri Bakıdan qovdular, rusların və yəhudilərin bir hissəsi könüllü olaraq öz tarixi vətənlərinə getdilər:

"Eyni vaxtda ölkənin müxtəlif bölgələrindən də gələnlər Bakının etnik tərkibini dəyişdilər, onu bir türk-müsəlman şəhərinə çevirdilər. İndi Baxramçiklər özlərini ermənidən boş qalmış yerdə görür, özünü dartır və paytaxta milli status qazandıran əhaliyə yuxarıdan aşağı baxmağa cəsarət edirlər!Bu, natamamlıq kompleksi və sosial psixologiyanın elementidir. Keçib gedəcək", - Nazir Əhmədli qeyd edib.