Ru
13:40 / 15 Mart 2023

"DİM-in ləğvini tələb edənlərin biznes marağı var" - Millət vəkili

11339
“Dövlət İmtahan Mərkəzi ilə yaxından və ya uzaqdan heç bir əlaqəm yoxdur. Hətta rektor işlədiyim vaxtlarda aramızda bir məslə ilə bağlı fikir ayrılığı da olub. Ancaq son zamanlar Dövlət İmtahan Mərkəzinin hədəfə alınmasını, ləğvi ilə bağlı fikirlərin səsləndirilməsini yanlış və bir sıra hallarda məqsədli hesab edirəm. Hər bir qurumun fəaliyyətindən, qəbul etdiyi qərarlardan kimlərsə narazı ola bilər. Ancaq bu o demək deyil qurum və ya sistem ləğv edilməlidir”.

Bu fikirləri Bakupost.az -a​ açıqlamasında millət vəkili Ceyhun Məmmədov deyib.

O qeyd edib ki, bu gün ölkədə fəaliyyətini ən peşəkar səviyyədə quran qurumlardan biri də Dövlət İmtahan Mərkəzidir:

"Əgər kimsə düşünürsə​ ki, bu qurumun və sistemin ləğvi ilə təhsilimiz daha ağ günə çıxacaq, yanılır. Onsuz da bu gün uzun illərdir yaranmış ənənələrin mərhələli və məqsədli şəkildə pozulduğunu bir sıra hallarda müşahidə edirik".

İmtahanların çətin olması fikrinə gəldikdə millət vəkili bildirib ki, bunun hansısa məqamda və mərhələdə çətin olması fikri nəzərdən keçirilə bilər:

“Bu gün hesab edirəm, onsuz da ali məktəblərə qəbulu kifayət qədər asanlaşdırmışıq. Biz hamının ali təhsilə kütləvi gəlməsi barədə deyil, oxumağa həvəsi və potensialı olan insanların gəlməsi barədə düşünməliyik. Valideynlərə və bizim dəyərli övladlarımıza gəldikdə isə bilməlisiniz ki, bu gün şəffaf şəkildə​ imtahan prosesində iştirak etdiyimiz halda gələcəkdə fərqli vəziyyət və hallarla üz-üzə qala bilərik. Bu gün Dövlət İmtahan Mərkəzinin ləğvini, müsabiqədənkənar qəbulu dəstəkləyən insanların niyyətləri onların heç də bu niyyətinin saf və təmiz olması demək deyil. Burada çirkin məqsəd və niyyətlər də var. Bəzilərinin buna biznes gözü ilə baxması da istisna deyil. Ona görə hissə qapılaraq total hücuma keçib kimlərinsə dəyirmanına su tökməyək. Eyni zamanda hesab edirəm, Dövlət İmtahan Mərkəzi də narazılıqları görməzlikdən gəlməməli və qulaqardına vurmamalıdır. Əgər hansısa məsələdə obyektiv narazılıq varsa, bu ciddi təhlil edilməli və nəticələr ictimaiyyətə açıqlanmalıdır”.

Sevinc
BakuPost
Şərhlər
  • t.ədalət

    Ümumiyyətlə,tibb universitetinə qəbul,deyilənə görə, çerez TQDK-nın şefinin əli ilə aparılır.

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər