20:00 / 28 Mart 2024

Fantastik parkinq qiymətləri: “Tariflər arasında uyğunsuzluq çoxdur”

2217

Məlum olduğu kimi, Bakı Dəmir Yolu Vağzalının yaxınlığında, Süleyman Rəhimov küçəsi ilə Mirəli Qaşqay küçəsinin kəsişməsində yerləşən avtodayanacaq stansiyasında parklanma tarifləri müəyyənləşib. Qiymətlər parklanma müddətinə görə təyin edilib: 15-30 dəqiqə - 1 manat, 30-60 dəqiqə - 2 manat, 1-2 saat - 4 manat, 2-3 saat - 6 manat, 3-5 saat – 10 manat, 5-7 saat - 14 manat, 7-10 saat - 18 manat, 10-15 saat – 22 manat, 15-20 saat – 26 manat, 20-24 saat – 30 manat.

İlk 15 dəqiqə isə pulsuzdur.

Mövzu ilə bağlı Bakupost.az -a danışan nəqliyyat eksperti Aslan Əsədov deyib ki, sözügedən ərazi kiçikdir. Lakin orada tətbiq olunan parklanma qiymətləri heç də ədalətli deyil. Xüsusilə də parklanma müddətinin 1 saatadək 2 manat, əlavə müddətin 4 manat, sutkalıq qiymətin isə 30 manat olması doğru sayıla bilməz. Çünki sürücülər həmin 30 manatı yanacağa sərf etsələr, çatacağı ünvana öz avtomobili ilə gedərlər:

“Çox güman ki, qiymətlər müəyyənləşdirilərkən bu kimi məsələlər araşdırılmayıb. Tariflər arasında uyğunsuzluq çoxdur. Düşünmürəm ki, bu tarif uzun müddət davam edəcək”.

Sevinc

BakuPost

Şərhlər

Seçilmiş Zəngimcell