Ru
11:46 / 21 Sentyabr 2022

"Sərhəddə təxribat və Pelosinin səfəri eyni planın hissələridir" - Millət vəkili

2622
"Nensi Pelosi regionda baş verən həqiqətləri dərk etmək istəmir. Onun səfəri sülhə ağır zərbə kimi dəyərləndirilməlidir".


Bu fikirləri Bakupost.az -a millət vəkili Naqif Həmzəyev deyib.


O qeyd edib ki, Nensi Pelosi tərəfindən verilən açıqlamalar qərəzlidir:

"Pelosi 12-13 sentyabrda Ermənistanın törətdiyi təxribatı erməni mövqeyindən şərh edərək, birtərəfli mövqe tutub. Əslində təxribatı törədən Ermənistana təziqlər edilməli idi. Amma təəssüf ki, əksini gördük. Pelosinin açıqlamalarından bu qənaətə gəlmək olar ki, bütün bunlar böyük bir planın hissələri idi".


N.Həmzəyev hesab edir ki, təxribatdan sonra bu səfərin baş tutması hər şeyin öncədən planlaşdırıldığını göstərir:


"Bunu bir növ ermənipərəst konqresmenlərin, o cümlədən Nensi Pelosinin Ermənistana dəstək üçün əlinə düşmüş bəhanə kimi qiymətləndirə bilərik. Eyni zamanda ABŞ Konqresində erməni lobbisinin təsiri altında olan çoxlu senatorlarlar var. ABŞ-da orta dövr seçkiləri yaxınlaşır. Seçkiqabağı erməni lobbisinin dəstəyini qazanmaq üçün bu səfər Pelosiyə lazım idi. Onun açıqlamaları erməni lobbisinin qonorarları və maddi yardımlarına hesablanıb. Pelosinin Ermənistana səfər çərçivəsində qondarma erməni soyqırımı abidəsini ziyarət etməsi, orada süni gözyaşları tökməsi və təəssüf ki, regionda baş verən prosesləri düzgün qiymətləndirməməsi bir daha ikili standartlardan xəbər verir. Xocalı faciəsini unudanlar, Birinci Qarabağ, İkinci Qarabağ savaşında Azərbaycan tərəfindən şəhid olanların ruhuna hörmət etməyənlərin demokratiyadan, ədalətdən danışmağa haqqları yoxdur. Azərbaycanın haqlı mübarizəsində, xalq, ordu, Ali Baş Komandan birliyi bütün qüvvələrə qalib gələcək. Biz haqq yolumuzda daha da irəli gedəcək, ərazi bütövlüyümüzü, suverinliyimizi, vətəndaşlarımızın təhlükəsizliyini sonuna qədər qoruyacağıq".

Fəridə
BakuPost
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər