Daha 50 təyyarə ABŞ-dən Yaxın Şərqə uçdu – İranla müharibə qarşısıalınmaz səviyyəyə çatır

ABŞ Prezidenti Donald Trump administrasiyası İranla qarşıdurmanı Yaxın Şərqdə böyükmiqyaslı hərbi əməliyyat həddinə gətirib.

Bakupost.az xəbər verir ki, mənbələrin “Axios”a verdiyi məlumata görə, əməliyyat həftələr davam edə biləcək genişmiqyaslı hərbi kampaniya səciyyəsində olacaq və Venesuela əməliyyatından daha ciddi xarakter daşıyacaq.

Əməliyyat ehtimal ki, ABŞ və İsrail birgə kampaniyası şəklində həyata keçiriləcək və bu, rejim üçün mövcudluq baxımından ciddi təhdid sayılır. Belə bir qarşıdurma regionun bütün siyasi və təhlükəsizlik balansına təsir edəcək və Trampın prezidentliyi dövründə son üç il üçün mühüm nəticələr doğura bilər.

Siyasi və hərbi hazırlıq

Yanvarın əvvəlində Tramp İran üzərində hərbi əməliyyatla bağlı addım atmaq təhlükəsinə yaxın idi. Bunun səbəbi isə rejimin minlərlə etirazçını öldürməsi idi. Lakin fürsət pəncərəsi bağlandıqdan sonra administrasiya nüvə danışıqları ilə yanaşı, genişmiqyaslı hərbi hazırlıq siyasətinə keçdi.

Mənbələr bildirir ki, hazırda danışıqların uğurlu nəticələnməsi ehtimalı azdır. ABŞ Prezidentinin müşavirləri Cared Kuşner (Trampın kürəkəni) və Stiv Vitkoff İranın Xarici İşlər naziri Abbas Araqçı ilə Cenevrədə üç saatlıq görüş keçiriblər. Hər iki tərəf danışıqların inkişafda olduğunu bildirir, lakin açıq fərqlər qalır. ABŞ rəsmiləri bu fərqlərin qapanmasında optimist deyillər.

Hərbi mövqelər və güc yığımı

Tramp administrasiyası artıq iki aviadaşıyıcını, onlarla hərbi gəmi, yüzlərlə döyüş təyyarəsi və bir neçə hava müdafiə sistemini Yaxın Şərqə göndərib. Son 24 saat ərzində əlavə 50 dədə “F-35”, “F-22” və “F-16” döyüş təyyarəsi bölgəyə yönəldilib. Mənbələr bildirir ki, ABŞ hərbi qüvvələrinin bu hazırlığı diplomatik nəticə əldə edilməsə, hərbi əməliyyatın başlaya biləcəyinə işarədir.

İsrail hökuməti rejim dəyişikliyi və İranın nüvə və raket proqramlarını hədəfləyən maksimalist ssenariyə hazırlaşır. ABŞ mənbələri isə əməliyyatın vaxtının bir neçə həftə və ya günlər içində ola biləcəyini bildirirlər. Senator Lindsi Qraham əməliyyatların hələ bir neçə həftə uzaqda ola biləcəyini qeyd edib.

ABŞ mənbələri əlavə edir ki, İran iki həftə ərzində detallı təklif təqdim etməlidir. Keçən ilin iyununda isə ABŞ administrasiyası oxşar pəncərə qoyaraq Trampın seçim etməsini gözləmiş və üç gün sonra “Gecəyarısı çəkici əməliyyatı” başladılmışdı.

Hazırda İranla diplomatik nəticə görünmür, mənbələr isə böyük hərbi əməliyyatın yaxınlaşdığını bildirirlər. Ekspertlər hesab edir ki, Trampın hərbi və şifahi hazırlığı onu diplomatik razılaşma əldə edilməsə, əməliyyat qərarı verməyə məcbur edə bilər.

Cavid, BakuPost