Fransa indi də Kipri qarışdırmağa çalışır: Bu Parisə baha başa gələcək

Bakupost.az xəbər verir ki, 2026-cı ilin aprel-may aylarında Fransa və Cənubi Kipr arasında hərbi əməkdaşlığın dərinləşdirilməsi və Fransanın adada hərbi mövcudluğunun artırılması istiqamətində addımlar atılıb.

Tərəflər arasında imzalanan strateji tərəfdaşlıq sazişi quru, hava və raket sistemlərini əhatə edən müdafiə əməkdaşlığını genişləndirir. Eyni zamanda, Fransanın Kipr adasında daimi hərbi qüvvə yerləşdirməsini nəzərdə tutan yeni müqavilələrin imzalanması da gözlənilir.

Razılaşmalara əsasən, Fransa hərbçilərinin adada, xüsusilə "humanitar missiyalar" adı altında yerləşdirilməsi planlaşdırılır.

“Bu yaxınlarda Paris Ermənistanla strateji əməkdaşlıq haqqında müqavilə bağladı. Görünən odur ki, Fransa bir tərəfdən Ermənistanı silahlandırmaq, digər tərəfdən də Kiprin yunan kəsimilə hərbi əməkdaşlığı gücləndirməklə onları Türkiyəyə qarşı qoymağa çalışır. Bu fonda Cənubi Kiprdə Fransa hərbi kontingentinin yerləşdirməsi ideyası ola bilsin gələcəkdə bölgədə Türkiyəyə qarşı hansısa təxribatlara hazırlığın başlanğıcıdır”.

Ekspert qeyd edir ki, Fransanın Cənubi Kiprdə hərbi kontingenti yerləşdirməsi mümkün olsa da, onun bundan təxribat kimi yararlanması nəticə verməyəcək:

“Belə edərsə, Paris sözsüz ki, layiqli cavabını alacaq. Türkiyə ilə zarafat etmək olmaz. Fransa Türkiyədən fərqli olaraq NATO-nun hərbi blokunda təmsil olunmur. Türkiyə təşkilatda hərbi cəhətdən ikinci güclü dövlətdir. Hazırda Avropanın özü də təhlükəsizlik məsələsində daha çox Ankaraya etibar edir, nəinki Parisə”.

Həmsöhbətimiz hesab edir ki, Fransanın bu addımına cavab olaraq, Türkiyə də Şimali Kipr Türk Cümhuriyyətində özünün hərbi kontingentini gücləndirməlidir”.