Gəncədə dəhşət: 62 yaşlı kişi yeniyetmə qızı zorladı

Dövlət Komitəsinin mətbuat katibi Teymur Mərdanoğlu Bakupost.az -a bildirib ki, sosial şəbəkələrdə Gəncə şəhəri, Kəpəz rayon sakini, xüsusi qayğıya ehtiyacı olan və yetkinlik yaşına çatmayan qızın 62 yaşlı qonşusu tərəfindən zorakılığa məruz qalması və hazırda hamiləliyin 7-ci ayında olması ilə bağlı fakt Ailə,Qadın və Uşaq Problemleri üzrə Dövlət Komitəsi tərəfindən araşdırılıb.

Bildirib ki, qurum tərəfindən Gəncə Şəhər İcra Hakimiyyəti yanında yetkinlik yaşına çatmayanların işləri və hüquqlarının müdafiəsi üzrə komissiyası, həmçinin Daxili İşlər Nazirliyi ilə dərhal əlaqə saxlanılıb.

Məsələ ilə bağlı Gəncə Şəhər Prokurorluğunda cinayət işi açılıb.

"Bu gün azyaşlının psixoloji vəziyyətinin qiymətləndirilməsi və ona psixoloji dəstək göstərilməsi məqsədilə Komitənin nəzdində fəaliyyət göstərən Goranboy Uşaq və Ailələrə Dəstək Mərkəzinin əməkdaşları ailəyə baş çəkəcəklər", - Dövlət Komitəsinin rəsmisi bildirib.