Bali adasında qeyri-adi hadisə yaşanıb. Qurbağanı xilas etməyə çalışan rusiyalı turistə nəhəng ilan hücum edib.
Bakupost.az xəbər verir ki, insident Balidəki şəxsi villalardan birində baş verib. Rusiyalı turist və həyat yoldaşı villanın həyətinə qəfil girən qurbağanı xilas etməyə çalışarkən gözlənilməz təhlükə ilə üzləşiblər. Qurbağanın ardınca həmin əraziyə həddindən artıq uzun ilan daxil olub.
İlan qəfil istiqamətini dəyişərək kişiyə hücum edib. Hadisə zamanı turist xəsarət almayıb.
Villanın ərazisinə daxil olan ilanın növü hələlik müəyyən edilməyib. Ada kobraları gürzələr kimi zəhərli ilan növləri ilə məşhurdur.
Bəzi istifadəçilər sosial şəbəkələrdə böyük maraq doğuran videoya ironiya ilə yanaşıb.
Cavid, BakuPost