Qazaxıstandan Bakıya uçan təyyarə geri dönməli oldu

  • 29 Yan 2020 14:23
  • 744 Baxış
Qazaxıstandan Bakıya uçan təyyarə geri dönməli oldu


Qazaxıstana məxsus “Air Astana” aviaşirkətinin Nur-Sultan – Bakı reysi ilə uçan təyyarəsi Bakıya çatmamış geri dönməli olub.

Bu barədə aviaşirkət məlumat yayıb.

Qeyd olunub ki, bu, koronavirusla əlaqəli deyil və təyyarənin geri dönməsinə texniki nasazlıq səbəb olub:

“Nur-Sultan – Bakı reysi ilə uçuş həyata keçirən təyyarə qanadın buzlanmasının qarşısının alınması sistemindəki qüsurla əlaqədar geri, Nur-Sultana qayıtmalı olub”.

Şirkətdən onu da bildiriblər ki, eniş adi rejimdə baş tutub.