“Qubadlılar müasir Qubadlıya qayıdacaqlar...” - Millət vəkili

Bunu Bakupost.az -a millət vəkili Azər Badamov Qubadlının işğaldan azad olunmasının bir illiyi ilə bağlı danışarkən deyib.

“Eyni zamanda Qubadlının azad olunması ordumuzun mövqelərini Laçın dəhlizinə yaxınlaşdırdı. Bu dəhlizin nəzarətimizə keçməsi, Şuşanın işğaldan azad olunmasına və ümumi şəkildə keçmiş Dağlıq Qarabağa gedən əsas arteriyanın qırılmasına gətirmişdır. Qubadlı rayonu düşmənə strateji mövqelərini möhkəmlətməsi baxımından vacib idi. Amma Qubadlının işğaldan azad olunması erməni ordusunun məhv olması demək idi”.

“Bu rayonun təbii ehtiyatları, kənd təsərrüfatı və turizm potensialı gələcəkdə ölkəmizin iqtisadi gücünün artmasına rəng qatacaqdır. Artıq bir ildir ki, Qubadlı azaddır. Qubadlı şəhərinin baş planı təsdiq olunacaq. 27 il qaçqın həyatını yaşamış qubadlılar, yenidən qurulmuş müasir Qubadlıya qayıdacaqlar. Müəyyən ərazilər minalardan təmizlənib, təhlükəsizlik təmin olunandan sonra bu rayonda böyük tikinti layihələri icra olunacaq. Ermənilərin taladıqları və dağıtdıqları Qubadlının tarixi, mədəni, ictimai abidələri yenidən bərpa olunacaq. Qubadlı Şərqi Zəngəzur iqtisadi rayonunun bir ərazisi olaraq müasirliyə qovuşmuş yeni bölgəmiz olacaq”.