206 nömrəli avtobus 3 təkər üzərində hərəkət edib? – VİDEO

Avtobus həm istismara yararsızdır... Həm də gecikmə ilə işləyir...

Bakupost.az Xezerxeber.az-a istinadən xəbər verir ki, söhbət Elmlər Akademiyası metrostansiyasından Lökbatan qəsəbəsinə sərnişin daşıyan 206 nömrəli marşrut avtobusundan gedir.

Sərnişinlərin sözlərinə görə, avtobuslar istismar müddətin başa vursa da, hələdə işləyir.

Onlar iddia edir ki, hətta bəzən avtobusda yaranan nasazlıq təhlükəli vəziyyət də yaradıb.

İddialarla bağlı daşıyıcı şirkətlə əlaqə saxladıq. Şirkətdən bildirdilər ki, yeni tender keçirilib və başqa daşıyıcı şirkət tenderin qalibi olub. Yaxın zamanlarda daşımanı həmin şirkət həyata keçirəcək.

Yerüstü Nəqliyyat Agentliyindən də bildirildi ki, nizamlı fəaliyyətin olmaması səbəbindən 206 nömrəli marşrut xətti bir müddət əvvəl müsabiqəyə çıxarılıb və qalib açıqlanıb. Yaxın zamanlarda marşrut xətti üzrə yeni avtobuslar fəaliyyətə başlayacaq.

Bakupost.az mövzu ilə bağlı daha ətraflı videomaterialı təqdim edir.