ABŞ-da qalmaqal: Həkimlər Baydenin xərçəng olduğunu niyə bilməyib?

Bakupost.az xəbər verir ki, bu barədə Politico bildirib.

Keçmiş prezidentin ofisinin verdiyi məlumata görə, Co Bayden Ağ Evdə olduğu müddətdə sağlamlığı ilə bağlı suallar yaranarkən, son diaqnozundan əvvəl on ildən artıq müddətdə prostat xərçəngi üçün geniş istifadə olunan PSA (Prostat Spesifik Antigen) testini verməyib.

Qeyd olunur ki, o, sonuncu dəfə prostat xərçəngini aşkar etmək üçün PSA (Prostat Spesifik Antigen) testini 2014-cü ildə etdirib.

"Bazar gününə qədər Prezident Bayden-ə heç vaxt prostat xərçəngi diaqnozu qoyulmamışdı", – bəyanatda deyilir.

Bu açıqlama Prezident Donald Tramp və onun tərəfdarlarının diaqnozun vaxtına dair şübhələr irəli sürdüyü bir vaxtda verilib. Çünki bu diaqnoz, Baydenin sağlamlığı ilə bağlı sualların gündəmə gəldiyi və prezidentliyi dövründə müşavirlərinin onun fiziki və zehni geriləməsini gizlətməyə çalışdıqlarını iddia edən bir kitabın nəşri ilə eyni vaxta təsadüf edib.

Keçmiş prezidentin sümüyə metastaz etmiş aqressiv prostat xərçəngi daşıdığı xəbəri Vaşinqtonda şok effekti yaradıb. Bir çox demokratlar onun Ağ Evdə keçirdiyi son iki ildə sağlamlığının sürətlə pisləşdiyi və bunun 2024-ci seçki kampaniyasına mümkün təsirləri ilə bağlı suallarla üzləşir.

Hətta bəzi tərəfdaşları belə Baydenin prezident kimi hər il keçirdiyi fiziki müayinələrin diqqətlə izlənməsinə baxmayaraq, həkimlərinin bu qədər ciddi bir xəstəliyi necə aşkar etmədiklərini sorğulayıblar.

Tramp isə bazar ertəsi bu çaşqınlıqdan istifadə edərək jurnalistlərə bildirib ki, Baydenin xərçəngi daha əvvəl aşkar edilməli idi. Ardınca isə o, keçmiş prezidentin zehni qabiliyyətini hədəf alaraq onu tənqid edib.

ABŞ-ın Profilaktik Xidmətlər İşçi Qrupu isə 70 yaşdan yuxarı kişilərə prostat xərçəngi üçün müntəzəm müayinədən çəkinməyi tövsiyə edir. Sabiq prezident 2014-cü ildə 70 yaşlarında idi və həmin vaxt ikinci müddətəBarak Obamanın vitse-prezidenti olaraq çalışırdı.