Əfqanıstanda helikopter qəzası: 1 ölü, 12 yaralı

Bakupost.az xəbər verir ki, Əfqanıstan Müdafiə Nazirliyinin sözçüsü Enayatullah Xarəzmi verdiyi açıqlamada "Hərbi Hava Qüvvələrinə məxsus Mi-17 vertolyotu səhər saatlarında qəzaya uğrayıb. Harirud çayına yuvarlanan mikroavtobusda sərnişinlərin cəsədlərini daşımaq üçün təyin edilmiş helikopter texniki nasazlıqlar ucbatından təcili eniş etmək istəyərkən divara çırpılıb. Təəssüf ki, 1 nəfər ölüb, 12 nəfər yaralanıb. Müdafiə Nazirliyi mərhumun ailəsinə başsağlığı verir və yaralananlara şəfa diləyir”.

Qəza ilə bağlı araşdırmalara başlanılıb.