“Ətin qiyməti bayramdan sonra da aşağı düşməyəcək” - Ekspert

“Lakin Azərbaycandakı ət keyfiyyətcə əlbəttə ki, üstündür. Başqa ölkələrdə ət mağazaya uzun bir zəncirlə gəlib çıxır. Amma bizdə çox asanlıqla əlyetərlilik olur. Qiymət isə heç də ucuz deyil. Təəssüf ki, Azərbaycanda bir dəfə qalxan qiymət bir daha enmir. Qurban bayramı ərəfəsində ətin qiyməti qalxır və belə də davam edir. Bunun isə çoxsaylı səbəbləri var. Bəzi səbəbləri hamı bilir, artıq hamıya deyilib. Ciddi səbəblərdən biri heyvan örüşlərinin pambığa və digər bitkilərə verilməsi, icra başçılarının təzyiqi altında insanların heyvan saxlamaqdan uzaqlaşması, heyvan yeminin həddən artıq bahalaşması, su resurslarının əlçatanlığının azaldılmasıdır. Çünki su resursları böyük fermer təsərrüfatlarında birləşib. İnsanların su resurslarına əlçatanlığı aşağıdır. Fərdi təsərrüfatlarda heyvanların saxlanmasında problemlər var. Get-gedə ümumiyyətlə, heyvandarlıq sahəsi təmərküzləşir, ayrı-ayrı qrupların əlində birləşir və bu da qiymətlərin sövdələşmələrlə təyin olunmasına səbəb olur. Əlbəttə, fərdi təsərrüfatlar hələ də var və bunlar qiymətin aşağı düşməsinə çox kömək edə bilər. Lakin bazarın üçüncü subyekti meydana çıxıb. Bunlar da alverçilərdir. Onların əli olmadan heç bir qəssaba heyan satmaq mümkün olmur. Onlar bütün heyvan bazarını zəbt ediblər və qəssablar da məcbur olub onlarla işləyir. Bu kimi amillər ətin qiymətinin daim bahalaşan tendensiya ilə davam etdiyini göstərir. Güman etmirəm ki, ətin qiyməti Qurban bayramından sonra aşağı düşəcək”.

Qeyd edək ki, Azərbaycanda heyvan bazarında qiymətlər artıb. Xüsusilə də xırdabuynuzlu heyvanların qiymətində artım müşahidə olunur. Bunun Qurban bayramı ilə əlaqəli olduğu deyilir.

Xatırladaq ki, iyunun 16 və 17-də Azərbaycanda Qurban bayramıdır.