Bakıya yeni avtobuslar gətirildi - FOTOLAR

  • 21 Sen 2019 13:37
  • 1324 Baxış
Bakıya yeni avtobuslar gətirildi -  FOTOLAR

Bu gündən etibarən 39 nömrəli müntəzəm marşrut üzrə də sərnişinlərə müasir avtobuslarla xidmət göstəriləcək.



BakuPost.az xəbər verir ki, xətt üzrə sərnişindaşıma fəaliyyəti göstərən “Kral Tranport” MMC tərəfindən 10 ədəd yeni sərnişin avtobusları gətirilib.



“İsuzu Citibus” markalı avtobuslar "Avro 5" standartlarına cavab verməklə yanaşı, sərnişinlərə göstərilən xidmətin keyfiyyətinin artırılmasına imkan verir. Yeni avtobuslardan fiziki imkanları məhdud şəxslər, eləcə də uşaq arabası ilə olan sərnişinlər rahat istifadə edə biləcək. Bunun üçün avtobuslarda xüsusi mexanizm quraşdırılıb.



Onu da qeyd edək ki, avtobus parkının yenilənməsi işləri çərçivəsində ölkə başçısının müvafiq sərəncamına əsasən, paytaxta 300 nəqliyyat vasitəsi gətiriləcək. Artıq avtobusların müəyyən hissəsi Bakı şəhərindədir.



Gətirilən avtobusların 20 ədədi 18 metrlik olacaq.