Deputatın adı keçən ölüm işi məhkəməyə göndərildi - DETALLAR

  • 20 Apr 2019 15:08
  • 3446 Baxış
 Deputatın adı keçən ölüm işi məhkəməyə göndərildi  - DETALLAR
Millət vəkili Cavanşir Feyziyevə məxsus "Porsche” ilə piyadanı vuran sürücünün məhkəməsi başlayır.


 

BakuPost ONA-ya istinadən xəbər verir ki, ölümlə nəticələnən yol-nəqliyyat hadisəsi törətməkdə təqsirləndirilən Fərdi Abbasovun və Azər Əliyevin cinayət işi üzrə ibtidai istintaq başa çatıb.




Cinayət işi materialları araşdırılması üçün Xəzər Rayon Məhkəməsinə göndərilib. 




Cinayət işi hakim Tərlan Əkbərovun icraatında araşdırılacaq. Məhkəmənin hazırlıq iclasının vaxtı yaxın günlərdə məlum olacaq.




Qeyd edilən qəza Xəzər rayonu Qala qəsəbəsi ərazisində baş verib. Belə ki, "Porsche Cayenne GTS” markalı, 90 FC 111 dövlət qeydiyyat nişanlı avtomobil Mərdəkan istiqamətində hərəkət edərkən 40-45 yaşlı qadını vurub. Zərbənin gücündən yolun əks istiqamətinə düşən qadın "Wolksfagen Passat” markalı, 99 CD 689 nömrə nişanlı avtomobilin altında qalıb və yerindəcə keçinib.




Ölən qadının, 1975-ci il təvəllüdlü Hüseynova Sevinc Cabir qızı olması müəyyənləşib. Qəzanı törədən Abbasov Fərdi Həsənağa oğlu cinayət məsuliyyətinə cəlb edilib.




O da məlum olub ki, "Porsche Cayenne GTS” markalı avtomobil deputat Cavanşir Feyziyevin adınadır. Ancaq maraqlıdır ki, iş üzrə zərərçəkmiş qismində Milli Məclisin deputatı Cavanşir Feyziyev tanınıb.






 Deputatın adı keçən ölüm işi məhkəməyə göndərildi  - DETALLAR