Ermənilər Gəncəyə raket atdılar - 8 ölü, 40-dan çox yaralı! - VİDEO - FOTOLAR / Yeniləndi 6

Ermənistanın silahlı qüvvələri Gəncə şəhərini növbəti dəfə atəşə tutur.

"BakuPost" xəbər verir ki, bu barədə Müdafiə Nazirliyi məlumat yayıb.


***
"BakuPost"un hadisə yerində olan əməkdaşının verdiyi məlumata görə, atılan raket yaşayış binasının və ticarət obyektinin yanına düşüb, dağıntılar var. Hazırda dağıntılar altında qalanlar axtarılır. İki nəfətin meyiti çıxarılıb.

***

Hadisə yerində olan əməkdaşımızın verdiyi məlumata görə, dağıntılar altında qalan sakinlər çıxarılıb. 40-dan çox yaralı var. 3 nəfər həlak olub.

***

Hadisə yerindən canlı yayımı BURADAN izləyə bilərsiniz.

***
Gəncədə baş verən hadisə zamanı 8 mülki şəxs həlak olub.

Bununla bağlı Oxu.Az-ın hadisə yerində olan müxbiri məlumat verib.

***

İşğalçı Ermənistan Respublikasının silahlı qüvvələri beynəlxalq hüququn norma və prinsiplərini, 1949-cu il tarixli Cenevrə Konvensiyaları və onların Əlavə Protokollarını, habelə 10 oktyabr 2020-ci il tarixdə saat 12:00-dan etibarən elan edilmiş humanitar atəşkəs rejiminin tələblərini pozaraq, Azərbaycanın dinc əhalisini qəsdən hədəfə almaqla yaşayış məntəqələrini ağır artilleriyadan atəşə tutmağa davam edir.

"BakuPost"un xəbərinə görə, bu barədə Azərbaycan Respublikası Baş Prokurorluğunun yaydığı açıqlamada bildirilib.

Açıqlamada qeyd olunub ki, düşmənin silahlı qüvvələrinin 11.10.2020-ci il tarixdə gecə saat 02 radələrində cəbhə zonasından kənarda yerləşən, Azərbaycan Respublikasının ikinci böyük şəhəri olan Gəncənin mərkəzi hissəsində yerləşən çox mənzilli yaşayış binasını raket atəşinə tutması nəticəsində 5 nəfər həlak olub, 28 nəfər yaralanıb, çoxsaylı mülki infrastruktur obyektlərə külli miqdarda ziyan dəyib.

Hazırda hadisə yerində olan prokurorluq əməkdaşları tərəfindən zərərçəkmiş şəxslərin və zərər dəymiş mülki infrastruktur obyektlərin siyahısının dəqiqləşdirilməsi ilə bağlı istintaq-əməliyyat tədbirləri həyata keçirilir.
İctimaiyyətə yaxın vaxtlarda ətraflı məlumat veriləcəkdir.