Paşinyan İlham Əliyevə təşəkkür ETDİ

Bakupost.az xəbər verir ki, Paşinyan İlham Əliyevin Azərbaycan ərazisindən Ermənistana yüklərin tranzitinə qoyulan məhdudiyyətlərin aradan qaldırılması barədə açıqlaması mühüm addım kimi qiymətləndirib:

“Dünən İlham Əliyev bəyan edib ki, Azərbaycan öz ərazisindən Ermənistana yüklərin tranzitinə qoyulan məhdudiyyətləri aradan qaldırır. Bu, son dərəcə vacib bəyanatdır və mən Azərbaycan Prezidentinin bu addımını təqdir edir, bu qərarı alqışlayıram,” – deyə Paşinyan bildirib.

O, həmçinin Qazaxıstan Prezidenti Kasım-Jomart Tokayev və Gürcüstan Baş naziri İrakli Kobaxidzeni də təşəkkürlə yad edib:

“Bu gün illər əvvəl mümkünsüz görünən bir proses baş verir – Qazaxıstandan Ermənistana taxıl ixracı Azərbaycan və Gürcüstan ərazisindən həyata keçirilir. Qazaxıstan Prezidenti və Gürcüstan Baş nazirinə bu əməkdaşlığa verdikləri dəstəyə görə minnətdaram,” – deyə Paşinyan əlavə edib.

Forum çərçivəsində səsləndirilən bu bəyanat Cənubi Qafqazda kommunikasiya xətlərinin bərpası və iqtisadi əməkdaşlığın genişlənməsi istiqamətində mühüm siyasi mesaj kimi qiymətləndirilir.