Mehdiyevin həbsi: Evini kəşfiyyat qərargahına çevirib? - Açıqlama

Bakupost.az xəbər verir ki, bu barədə siyasi şərhçi Akşin Kərimov bildirib.

Onun sözlərinə görə, Adnan Əhmədzadənin həbsi, ardınca Ramiz Mehdiyevlə bağlı qərar Rusiyanın kəşfiyyat şəbəkəsinə qarşı aparılan əməliyyatın mühüm mərhələlərini təşkil edir:

“Ehtimalla, əvvəldən Rusiya ilə güclü əlaqələrə malik olan Ramiz Mehdiyevin öz evini siyasi-kəşfiyyat qərargahına çevirməsi Kremlin təlimatları əsasında reallaşıb. Ramiz Mehdiyevə qarşı irəli sürülən ittihamlar da bunu deməyə əsas verir və göstərir ki:

1. Ramiz Mehdiyev Azərbaycan Respublikasına qarşı fəaliyyətin istiqamətləndirilməsini həyata keçirən koordinator olub,

2. Ramiz Mehdiyev kəşfiyyat hücrələrini aktivləşdirərək Azərbaycanda sabitliyi pozacaq addımlar üçün ictimai rəy kampaniyası başladıb.

Son zamanlar bəzi fiqurların Rusiyaya qarşı kəskin mövqedə dayanması da həmin kampaniyanın elementi olub, yəni Rusiyanı hər söyən şəxslərin ictimai müzakirələrdə cəmiyyəti üz-üzə qoyan açıqlamalar verməsi, hələ onların Rusiyaya qarşı nifrətini göstərmir. Bu, sadəcə olaraq ictimai rəyin fərqli kontekstə yönləndirilməsi, bununla da Rusiya kəşfiyyat subyektlərinin yolunu açmağa hesablamış əməllərin bir fraqmentidir.

Rusiyaya gəlincə, Azərbaycan Ramiz Mehdiyevi dustaq etməsi üçün əlində güclü arqumentləri Kremlə təqdim edibmiş kimi görünür.

Bu, Azərbaycan Prezidenti İlham Əliyevlə Rusiya Prezidenti Vladimir Putinin Düşənbə görüşündə də müzakirə predmeti ola bilərdi.

Beləliklə, Putinin iradəsinin nə olmasından asılı olmayaraq, Azərbaycan Respublikası milli maraqları üstün tutaraq Ramiz Mehdiyevin fəaliyyətini blokladı.

Hətta bir az da irəli gedərək iddia etmək olar ki, Vladimir Putin bundan sonra AZAL təyyarəsinin vurulmasında təqsirkarları təyin edərkən səs-küy doğuran təmizləmə əməliyyatına başlayacaq. Lakin ehtimalla Putin məsələni Qərb kəşfiyyatının Rusiyada kök salmış hücrələrinə qarşı əməliyyat modeli kimi hüquqi təfsirlərlə təsvir edəcək”.