Rusiya Azərbaycanın bütün tələblərini qəbul etdi - AÇIQLAMA

Bakupost.az xəbər verir ki, bu fikirləri siyasi şərhçi Asif Nərimanlı bildirib.

Onun sözlərinə görə, bu, məsuliyyəti müəyyən qədər də olsa, bölüşdürmək məqsədi daşıyır:

“Putin bildirdi ki, Rusiyanın hava məkanına müdaxilələr olub və Hərbi Hava Qüvvələri buna qarşı atəş açıb. AZAL-ın təyyarəsi hədəf kimi seçilməsə də, atəş açılan vaxt qəlpələrə tuş gəlib.

Azərbaycan da qəza baş verən ilk gündən bu mövqedən çıxış edirdi: Rusiya AZAL-ın təyyarəsini hədəf olaraq seçməyib, lakin HHQ-nin səhvləri nəticəsində böyük faciə baş verdi və buna görə Moskva Bakının üç haqlı tələbini qəbul etməlidir.

1. Baş verənlərə görə Azərbaycandan üzr istənilməli;

2. Kompensasiya ödənilməli;

3. Günahkarlar cəzalandırılmalıdır;

Putinin hadisə baş verən vaxt Əliyevlə telefon danışığında üzr istəməsi ilə birinci tələb yerinə yetirilsə də, Moskva digər iki tələbə məhəl qoymamaq siyasəti sərgiləyirdi. Buna paralel olaraq, tələblərindən geri çəkilməsi üçün informasiya və siyasi müstəvidə Bakıya təzyiqlər edildi. Hərçənd, Əliyev bütün təzyiqlərə baxmayaraq, ilk gündə sərgilədiyi mövqeyindən geri çəkilmədi. Və nəhayət, Azərbaycanın iki tələbinin – kompensasiya ödənilməsi və günahkarların cəzalandırılmasının icra ediləcəyi Əliyevlə görüşdə birbaşa Putin tərəfindən qəbul olundu. Bu nəticənin əldə edilməsində Əliyevin prinsipial mövqeyi həlledici amil oldu”.