Noyabrın 12-dən etibarən Sumqayıtdan Bakıya və əks istiqamətdə sərnişin daşınması üçün marşrut xəttinə yeni avtobuslar buraxılacaq.
Bakupost.az Oxu.az-a istinadən xəbər verir ki, 500 nömrəli marşrut avtobusu Sumqayıt şəhərindəki Heydər Əliyev parkının qarşısından hərəkətə başlayacaq. Avtobus Ceyranbatan qəsəbəsindən keçməklə metronun "20 Yanvar" stansiyasına sərnişin daşınmasını həyata keçirəcək.
Sözügedən nəqliyyat vasitəsi "BakuBus" MMC-yə məxsusdur.
Xətt üzrə "BMC Procity CNG" markalı 18 metrlik (4 qapılı) avtobuslar fəaliyyət göstərəcək.