Novruz bayramını Polad Həşimovun anasıyla qeyd etdilər - VİDEO

Bunu Bakupost.az -a “Fire Land Group”un rəhbəri Cəlal Qurbanov bildirib.

O, qeyd edib ki, milliliyimizin və birliyimizin rəmzi Novruz bayramında “Zəfərimizin Qadın Qəhrəmanları”ndan biri, qürurlu bir qəhrəman anası Səmayə ananı ziyarət etməyi özlərinə borc biliblər:

"Qalib Ordunun qəhrəman generalından tutmuş cəsur əsgərlərinədək vətən uğrunda şəhadətə yüksələn fədailərimizin belə məğrur anaları var olduqca hələ neçə-neçə Poladların, Mübarizlərin yetişəcəyi hər kəsə bəllidir. Söhbətinə, qonaqpərvərliyinə və analığına doymadığımız Səmayə anamızım timsalında bütün şəhid analarını, həmçinin cəfakar, varlığı nemət, duası bərəkət, sağlığı isə arxa-dayaq olan şəhid atalarımızı da təbrik edərək, onların dualarının kölgəsində hər daim iftixarla və başıuca gəzəcəyimizdən əmin olduq. Dua edir və inanırıq ki, Səmayə anamızın timsalında bütün fədakar şəhid analarımızın , Vətəni “Ata” bilən övladlarımızın və şəhadətə yürüyən övladını “Vətən” bilən atalarımızın həyatına da bu Novruz sadəcə təsəlli deyil, xoş ovqat və ümid gətirəcək.” Ana vətəndə, ata evlərində sayğıyla ziyarət etdiyimiz şəhid böyüklərinin əllərindən öpür, atam, ailəm və şəxsən öz adımdan hər birini bir daha təbrik edirik. Bayramınız mübarək, bizə əsl bayramı yaşadanları yetişdirənlər!".