"Kursk əməliyyatı göstərdi ki, rusların ehtiyat qüvvələri yoxdur" - Politoloq

"Məlum oldu ki, Rusiya ərazisində rus ordusunun ehtiyat qüvvələri yoxdur. Ona görə də məcbur olub Ukrayna cəbhəsindən ordunu geri çəkməyə başladı. Təbii ki, rus ordusunun Ukrayna ordusuna təzyiq imkanları məhdudlaşdı. Buna isə mövqe müharibəsi deyirlər. İldırım sürətli mövqe müharibəsi yoxdur. Kimin ordusunun daha mükəmməl silahı var, o, uğur qazanır. Hələlik müharibə davam edir. Əgər Ukrayna səfərbərliyi uğurla həyata keçirsə, Qərb Ukraynaya silah versə, onun öz torpaqlarını işğalçılardan azad etmək imkanı olacaq. Əks təqdirdə mövqe döyüşləri davam edəcək və müharibənin gedişində ciddi dönüş yaranmayacaq”.

“Hər halda Tramp söz verir, indiki hakimiyyətə nisbətən o daha qətiyyətli adamdır. Çünki beynəlxalq müqavilələri saya almır. Amma Tramp həmçinin demişdi ki, Putin dediyimlə razı olmasa, Ukraynaya silah verəcəm, Ukrayna dediyimlə razı olmasa, ona yardımı kəsəcəm. Bu onu göstərir ki, müharibənin gedişiylə bağlı sadə də olsa, bir təsəvvür var”.