Maskla Tramp düşmən oldular: Ağır ittihamlar, ifşaedici dəlillər

ABŞ-ın texnologiya nəhəngi “Tesla”nın rəhbəri, milyarder İlon Mask ilə ABŞ prezidenti Donald Tramp arasında münasibətlər son günlərdə sürətlə gərginləşib.

Bakupost.az xəbər verir ki, tərəflər bir-birinə qarşı açıq ittihamlarla çıxış edir və bu qarşıdurma təkcə şəxsi münasibət səviyyəsində deyil, həm də ABŞ-ın iqtisadi və siyasi gündəminə birbaşa təsir göstərməkdədir.

Mask-Tramp qarşıdurmasının alovlanmasına səbəb iyunun 3-də ABŞ Senatında müzakirəyə çıxarılan federal xərclərin azaldılması ilə bağlı qanun layihəsi olub. İlon Mask bu təşəbbüsə sərt reaksiya verərək “X” sosial şəbəkəsində yazıb:

Donald Tramp isə Almaniya kansleri Fridrix Mertslə birgə keçirdiyi görüş zamanı jurnalistlərin sualına cavab olaraq Maskın bu açıqlamasına münasibət bildirib:

Tramp əlavə edib ki, Mask qanun layihəsinin mahiyyətini əvvəlcədən bilirdi və yalnız layihədə elektrik avtomobil istehsalçıları üçün nəzərdə tutulan stimulların azaldılacağını öyrəndikdən sonra etiraz etməyə başlayıb.

Gərginlik bununla bitmədi. İlon Mask ötən gün Trampın impiçment edilməsini açıq şəkildə dəstəklədiyini bildirib. O, “X” platformasında Trampın vəzifədən uzaqlaşdırılaraq yerinə vitse-prezident Cey Di Vensin gətirilməsi ilə bağlı paylaşıma “Bəli” cavabını yazıb.

Eyni zamanda, Mask Trampın iqtisadi siyasətini də sərt şəkildə tənqid edib:

“Amerika iqtisadiyyatı Trampın idxala tətbiq etdiyi rüsumlar səbəbindən ilin ikinci yarısında resessiyaya uğrayacaq”.

İyun ayının ilk həftəsində qarşıdurma daha da dərinləşdi. İlon Mask iddia edib ki, Trampın adı yetkinlik yaşına çatmayanların cinsi istismarı ilə əlaqəli olan Cefri Epşteyn işi üzrə sənədlərdə keçir. O, paylaşımında bildirib:

Bu iddia nəinki Trampın reputasiyasına ciddi zərbə vurmaq potensialına malikdir, eyni zamanda ABŞ mediasında geniş rezonans doğurub.

Mask eyni zamanda 2020-ci ildə Trampa verdiyi dəstəyin onun seçkilərdə uğur qazanmasına töhfə verdiyini yazıb:

“Mən olmasaydım, Tramp seçkiləri uduzardı. Demokratlar Nümayəndələr Palatasına nəzarət edə bilərdi”.

Siyasi münaqişə nəticəsiz qalmayıb. İyunun 5-də “Tesla” şirkətinin səhmləri 9 faizdən çox dəyər itirib. “Nasdaq” birjasının məlumatına əsasən, axşam saatlarında səhmlərin dəyəri bir səhm üçün 301,91 dollara qədər enib. Analitiklər bu enişi birbaşa Tramp-Mask gərginliyi ilə əlaqələndirir və vəziyyətin davamı halında bazarda əlavə risklərin yaranacağını qeyd edirlər.