Tağıyev xəyanətə görə bütün qarabağlıları işdən qovdu

Bakupost.az xəbər verir ki, söhbət yalnız bir milyonçudan yox, bir dövrün vicdanından gedir-Hacı Zeynalabdin Tağıyevdən.

Neftin sərvətə çevrildiyi bir zamanda o, sərvəti insan kapitalına çevirməyi bacaran nadir simalardan idi. Məktəblər tikdirən, qızların təhsil almasına yol açan, təkcə öz ölkəsində yox, dünyanın dörd bir yanında darda qalanlara yardım edən Tağıyev bu verilişdə təkcə xeyriyyəçi kimi yox, həm də haqqında dolaşan miflərin, ziddiyyətli fikirlərin arxasındakı real insan kimi təqdim olunur.

Onun həyat yolu - yoxsulluqdan zirvəyə, zirvədən isə xalq yaddaşına uzanan bir hekayədir.

Studiyanın qonağı isə mövzunu sadəcə danışan yox, onu araşdıran və sənədlərlə danışdıran biridir - Fərhad Cabbarov. Tarix elmləri doktoru, dosent, Milli Azərbaycan Tarixi Muzeyinin direktor müavini və Tağıyev irsinə həsr olunmuş “Səxavət dünyasının sərvəri” kitabının müəllifi kimi o, bu şəxsiyyətin bilinməyən tərəflərini faktlarla açır, illərdir dolaşan rəvayətlərlə həqiqətin sərhədini dəqiqləşdirir.

Bu buraxılışda siz yalnız bir insanı yox, bir dövrün düşüncə tərzini, dəyərlərini və yaddaşını kəşf edəcəksiniz. Çünki bəzən tarix dərsliklərdə yox, belə söhbətlərdə canlanır.