11:19 / 01 İyul 2022

Türkiyədə torpaq sürüşməsi: azərbaycanlı sürücü qayaların altında qalıb öldü - Anbaan görüntülər

6244

Türkiyənin Gürcüstanla sərhədyanı bölgəsində - Artvin şəhərinin Hopa-Kemalpaşa yolunda baş verən torpaq sürüşməsi nəticəsində 1 nəfər ölüb, 2 nəfər yaralanıb.

Bakupost.az xəbər verir ki, ölən şəxslərdən biri azərbaycanlıdır.

Bu barədə Azərbaycan Beynəlxalq Avtomobil Daşıyıcıları Assosiasiyasının (ABADA) şöbə müdiri Ruslan Eldaroğlu feysbukda yazıb.

“Hadisə zamanı bir azərbaycanlı sürücü həlak olub. Uçqun nəticəsində Türkiyə vətəndaşı olan daha iki TIR sürücüsü də xəsarət alıb. Vəfat edən sürücümüzün kimliyini müəyyən etmək istiqamətində ABADA tərəfindən işlərə başlanılıb. Allah rəhmət etsin”, - o bildirib.

Qeyd edək ki, 3 yük maşını qayaların altında qalıb.

Şərhlər

Seçilmiş Zəngimcell