Bütün dünya qaranlığa qərq olacaq - BU TARİXDƏ

850

 

İqlim dəyişikliyinə diqqət çəkmək məqsədilə 2007-ci ildən bəri təşkil edilən "Dünya saatı” (Earth Hour) tədbiri bu il də baş tutacaq.


Dünya ölkələri artıq bu çağırışın gerçəkləşdirilməsi üçün hazırlıqlar aparır.


Yer kürəsinin, təxminən, yarısında təşkil edilən bu tədbir müxtəlif günlərdə keçirilsə də, hər kəs təbiətin qorunub saxlanılması və ətraf mühitin vurduğu ziyanların az da olsa, aradan qaldırılması məqsədi ətrafında birləşir. "Dünya saatı” əsasən, 20:30-21:30 saatları arasında baş tutur.


Bir çox inkişaf etmiş ölkələr kimi, Azərbaycan da bu ekoloji hərəkata dəstək verəcək. Hərəkatın tarixi 30 mart 20:30-21:30-a müəyyənləşdirilib.


Azərbaycanda "Dünya Saatı” 2011-ci ildən bəri qeyd olunur və ətraf mühitə dəstək verən gənclər təşkilatları, qurumları və şirkətləri tərəfindən dəstəklənir. Hərəkat çərçivəsində bir saatlıq tarixi abidələrin və məkanların işıqları söndürülür.

Qeyd edək ki, iqlim dəyişikliyinin təbiətə təsirlərinin azaldılması üçün həyata keçirilən bu tədbirə ötən il toplamda 6 qitənin 135 ölkəsindən iki milyard insan qatılmışdı. 3 mindən çox qurum 1 saatlığa işıqları söndürmüşdü.


Tədbirdən daha ətraflı məlumat əldə etmək üçün sosial media platformalarında "#DünyaSaati” etiketi ilə paylaşılan postlara nəzər yetirə bilərsiniz. (publika. az)


ŞƏRH YAZ
Şikayətinizi bizə yazın
Xəbərlərinizi bizə göndərin
WhatsApp: +994772701199

XƏBƏR LENTİ

Bütün xəbərlər
Bütün xəbərlər