Təbriz hava limanına enərkən yüngül təyyarə kursdan çıxıb və hava limanı binası ilə toqquşub, lakin tək pilot sağ-salamat xilas olub.
Bakupost.az Ölkə.az-a istinadla xəbər verir ki, hava limanının ictimaiyyətlə əlaqələr xidmətinin verdiyi məlumata görə, insident yerli şirkətə məxsus yüngül təyyarənin 30L uçuş-enmə zolağına enməyə cəhd etməsi zamanı baş verib.
Təyyarə idarəetməni itirərək bitişik hava limanının binalarından birinə çırpılıb. Aeroport rəsmiləri bildiriblər ki, yüngül təyyarənin zədələnməsinə baxmayaraq, pilot xəsarət almadan xilas edilib.
Mülki Aviasiya İdarəsi tam texniki araşdırmadan sonra hadisənin səbəbini açıqlayacaq.