Kobud insanlar, uzun növbələr və cibgirlər: Məşhur turizm şəhəri nüfuzunu itirir

Bakupost.az Qayanrinfo-ya istinadla xəbər verir ki, "Express" nəşrinin Deluxe Holiday Homes tərəfindən aparılmış yeni araşdırmasına əsasən, dünyada hər kvadrat kilometrə düşən turist sıxlığına görə lider olan şəhər Parisdir. 2024-cü ildə şəhərə hər kvadrat kilometr üçün 350 minə yaxın turist səfər edib. Bu zaman şəhərin daimi əhalisinə nisbətdə turistlərin sayı 1708% təşkil edib – yəni Parisdə bir sakinə 17 turist düşür.

Araşdırma göstərir ki, sıxlıq üzrə ilk onluğa daxil olan şəhərlərin səkkizi Avropada, qalan ikisi isə Şimali Amerikadadır.

Parisə olan bu böyük maraq haqlı olsa da, Tripadvisor kimi məşhur platformalarda paylaşılan rəylər arasında narazılıqlar diqqət çəkir. Ən çox təkrar olunan şikayətlər uzun növbələr və cibləri hədəf alan oğrularla bağlıdır.

Bir istifadəçi yazır: "Əgər saatlarla növbədə dayanmaq, minlərlə insanla bir yerdə darıxdırıcı təcrübə yaşamaq və bir də üstəlik bu qədər pula görə narazı qalmaq istəyirsinizsə – Parisə buyurun. İnsanlar kobuddur, axşam saat 21:00-dan sonra metroda təhlükəsiz hərəkət etmək mümkün deyil".

Bəzi turistlər Eyfel qülləsini ziyarət etməyə belə dəyər olmadığını bildirir, çünki şəhər ümumi olaraq turistlərin əhvalını korlamağı çox yaxşı bacarır.

Bir rəy müəllifi yazır: "Biz 50 yaşını keçmiş bir cütlüklə tanış olduq. Avropada səyahət edirdilər. Çox kədərli görünürdülər – çantalarından pulqabıları və otel biletləri oğurlanmışdı".

Bununla belə, şəhəri tərifləyən rəylər də mövcuddur. Bir turist Parisin tarixi və ab-havasını belə təsvir edir: "Ah, Parisin ləzzəti! Parisə səyahət bir məbəd ziyarəti kimidir. Bu qədər tarixi abidənin əzəməti unudulmaz xatirədir".

Paris hələ də öz cazibəsini itirməyib, lakin şəhərdə yaşanan real problemlər onu ideal tətil məkanı kimi görən turistlər üçün ciddi xəyal qırıqlığı yarada bilər.