Ru
15:30 / 22 Avqust 2019

Ölkəyə qanunsuz siqaret keçirilməsinin qarşısı alındı - FOTOLAR

4741
Cənub Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumat əsasında, Astara gömrük postunun yük-idxal xəttində İranın "Mekanizasion Keshavarzi Shali Kasht" şirkətindən ölkəmizə kafel gətirən, Azərbaycan vətəndaşının idarə etdiyi "Maz" markalı yük avtomobili saxlanılıb.


Dövlət Gömrük Komitəsindən Bakupost-a verilən məlumata görə, həmin nəqliyyat vasitəsinə gömrük baxışı keçirilib.


Kabinədə aparılan yoxlama nəticəsində hər iki qapının üzlüyündə, arxa yataq hissəsinin divarında və sağ oturacağın altındakı boşluqda gömrük nəzarətindən gizlədilən 16 200 ədəd "Senator", 7000 ədəd "Milano" və 2000 ədəd "Kent" markalı siqaretlər aşkarlanıb.


Daha sonra stasionar rentgen qurğusundan keçirilən yük nəqliyyat vasitəsinin qoşqusundakı 3 yeşiyin hər birinin alt hissəsində, xüsusi düzəldilən saxlanc yerlərində gömrük nəzarətindən gizlədilən 7600 ədəd "Senator" və 13 800 ədəd "Milano" markalı siqaretlər tapılıb.


Faktla bağlı araşdırma aparılır. 
Ölkəyə qanunsuz siqaret keçirilməsinin qarşısı alındı -  FOTOLAR
Ölkəyə qanunsuz siqaret keçirilməsinin qarşısı alındı -  FOTOLAR
Ölkəyə qanunsuz siqaret keçirilməsinin qarşısı alındı -  FOTOLAR
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər