Mixalko Azərbaycandan gedir

Bakupost.az xəbər verir ki, bu barədə nümayəndəliyin feysbuk hesabında paylaşım edilib.

“Aİ Nümayəndəliyi dörd illik dəyərli diplomatik xidmətini Azərbaycanda başa vurmuş səfir cənab Peter Mixalko ilə vidalaşdı. Avropa İttifaqı ilə Azərbaycan arasında tərəfdaşlığın möhkəmləndirilməsi yolunda göstərdiyi fədakarlıq və töhfə üçün ona dərin minnətdarlığımızı bildiririk. Cənab səfirə və xanımı Miroslava Mixalkovaya gələcək fəaliyyətlərində uğurlar arzulayırıq. Azərbaycanda onlar üçün şübhəsiz darıxacağıq”, - məlumatda qeyd olunub.

Qeyd edək ki, Peter Mixalkonun adı gündəmə həm də məşhur məhkəmə işi ilə gəlmişdi. Belə ki, onun rəhbərliyi dövründə nümayəndəliyin mühasibi Zərifə Abbasova Mixalkonun möhüründən istifadə etməklə 980 min manat vəsait mənimsəyib. İstintaqdan yayınan Z.Abbasovaya məhkəmənin hökmü ilə 10 il 6 ay müddətinə qiyabi həbs cəzası verilib.