Bu gün Türkiyənin Bodrum sahillərində miqrantları daşıyan qayığın batması nəticəsində yeddi nəfər həyatını itirib.
Bakupost.az -ın “Anadolu” agentliyinə istinadən məlumatına görə, hadisə yerində axtarış-xilasetmə işləri davam edir.
Agentliyin Türkiyə Sahil Mühafizəsi Komandanlığına istinadən verdiyi xəbərdə bildirilir ki, hadisə yerinə Sahil Mühafizəsinin 4 kateri, dalğıc qrupu, helikopter və çoxsaylı şəxsi heyət göndərilib. Xilasetmə əməliyyatı zamanı 2 miqrant xilas edilərək sahilə çıxarılıb.
İlkin araşdırmalar nəticəsində yeddi nəfərin cəsədi tapılıb. Bölgədə axtarış-xilasetmə əməliyyatlarının Sahil Mühafizəsi tərəfindən davam etdirildiyi, hadisə ilə bağlı istintaqın başladıldığı bildirilib.
Cavid, BakuPost