Ailənin ilki olan dördəmlər: hazırda küvəzdə saxlanılırlar - FOTOLAR

"Leyla Medical Center"də dünyaya göz açan, körpələrdən üçü oğlan, biri isə qızdır. Körpələrin çəkiləri 1 140 qr (oğlan), 1 350 qr (oğlan), 1 230 qr (oğlan), 1 120 qr-dır (qız).

Dördəmlərin atası Hüseynbala Sofiyev Bakupost.az -a bildirib ki, hazırda ananın və uşaqların vəziyyəti stabildir:

“Hazırda uşaqlar küvəzdə saxlanılır. Ailəmizin ilk övladlarıdır. Fikrimizdə bir neçə ad var. Valideynlərimizlə məsləhətləşib adlarını qoyacağıq. Ananın və körpələrin vəziyyəti normaldır”.

Qeyd edək ki, körpələr qeysəriyyə əməliyyatı ilə dünyaya gəlib. Onların 20 günə yaxın xəstəxanada qalacağı bildirilir.