"ARKA-nın müsabiqəsi suallar doğurur" - Ziya Ağa narazıdır - MÜSAHİBƏ

O, bu barədə Bakupost.az -a müsahibəsində danışıb.

Həmin müsahibəni təqdim edirik:

- Təbii ki, bu qərar dərin təəccüb və əsaslı suallar doğurur. Layihənin kənarda qalması, fikrimcə, pitçinqin ədalətli keçirilməməsi ilə bağlıdır. Ümumiyyətlə, xarici təcrübəyə əsaslansaq, filmlər adətən, istehsalat potensialına uyğun olaraq qiymətləndirilir. Bu dəfə isə qiymətləndirmə tamamilə kino ilə əlaqəsi olmayan meyarlarla aparılıb.

- Filmdə münaqişə zamanı Yerevandan köçən azərbaycanlı ana və qız ilə Bakıda yaşayan erməni ailəsinin evlərini dəyişməsi fonunda iki xalqın nümayəndələrinin birgə yaşamağa məcbur qalması təsvir olunur. Qan və düşmənçilik divarlarının kölgəsində tənha qalan iki qadın zamanla birgə yaşamağın yolunu axtarır. Layihəmizin mövzusu ölkənin hazırkı dövlət strategiyası ilə birbaşa əlaqəlidir. Ölkə başçımızın uğurlu siyasəti nəticəsində Ermənistanla sülh müqaviləsinin imzalanması istiqamətində apardığı işlər fonunda “Tanrının otağı” cəmiyyətin sülh və humanizm ehtiyacını əks etdirən vacib bədii əsərlərdən biridir. Nə üçün ARKA kimi bir qurum ən aktual və strateji mövzuları dəstəkləməkdən imtina edir? Nə üçün beynəlxalq yayım imkanlarına malik bir layihə kənarda qalmalıdır?

- Əvvəla deyim ki, bir neçə növ pitçinqlər mövcuddur. Hər hansı bir rejissor öz filmini hər hansı istehsalçı şirkət qarşısında müdafiə etsə idi, heç bir texniki məqamlara fikir vermək lazım deyildi. Amma və lakin, söhbət hörmətli ARKA-dan gedirsə, bu pitçinq şirkətlərin öz potensialını, heyətini, perspektivini müdafiəsi və təqdimatıdır. Yəni sadə dildə desək, 2 dəqiqəlik tizeri bütün yaradıcı və texniki parametrlərə uyğun çəkə bilmirsənsə, bizi necə inandıra bilərsən ki, 90 dəqiqəlik filmi keyfiyyətli çəkə biləcəksən? Bizim layihəyə gəldikdə isə fikrimcə, müsabiqəyə təqdim olunan tizer layihənin hazırlıq səviyyəsini göstərirdi. Aktyor heyəti, çəkiliş qrupunun peşəkarlığı, səs tərtibatı və görüntü keyfiyyəti — bir sözlə, bütün texniki standartlarla cavab verən bir məhsul təqdim edilmişdi. Amma və lakin…

- Bu qədər əməyin qarşılığında, razılığa gəldiyimiz xarici tərəfdaşlarımızın bizə inandığı və dəstək verdiyi bir zamanda, öz ölkəmizdə müəmmalı səbəblərə görə dəstək almamağımız məni bir prodüser və ümumiyyətlə, kino sahəsinin nümayəndəsi kimi çox narahat edir. Hörmətli Rəşad Əzizovla rəsmi görüş tələbimiz olub. Hələ də bir xəbər yoxdur. Yəqin ki, işləri çoxdur, axı hər il filmlərimizin sayı çox olduğundan heç başlarını qaşımağa vaxtları yoxdur. Nə isə, mən bu məsələni mümkün qədər geniş ictimaiyyətə, lazımı qurumlara çatdırmağa və Azərbaycan kinosunun inkişafı yolunda bu cür əngəllərin aradan qaldırılmasını tələb etməyə borcluyam. Biz bu qədər əməyin qarşılığında artıq susmaq fikrində deyilik. ARKA-nın nəzərdə tutduğu apellyasiyaya müraciət etmişik. Sadəcə istəyirəm hər kəs bilsin ki, bu ölkədə ARKA-nın “Apellyasiya”dan fərqli olaraq dövlətimizin həqiqi Apellyasiya Məhkəməsi var və onlar haqq-ədalət yolunda bu məsələni həll edəcəklər. Buna şübhəmiz yoxdur. Qərarın məsuliyyətini daşıyanlar kimdir və ya kimlərdir? Bizim də, pitçinqi canlı izləyən xalqımızın da bunu bilməyə haqqı var. Bu dəfə keçən ilki kimi olmayacaq. Danışılacaq çox şeylər var. Növbəti müsahibımizdə biz sizinlə daha ətraflı və faktlarla danışacağıq. Sadəcə izləyək görək “APELLYASİYA”-dan nə çıxacaq.