ƏDV ilə bağlı bu qərar gündəm oldu — Onların nəyinə lazımdır?

Bakupost.az xəbər verir ki, bunu Demokrat.az-a açıqlamasında “REAL” Partiyasinın sədri, iqtisadçı Natiq Cəfərli deyib. O bildirib ki, Vergi Xidmətinin belə bir qərar qəbul etməsi çox ciddi problemdir:”

Dövlət qərar qəbul edib ki, vətəndaş "ƏDV geri al" proqramı ilə ödədiyi məbləğin bir hissəsini geri alır, xüsusən də kartla ödənişlərdə. Bu, kartla alış-verişi də təşviq edir. Vergi Xidmətinin də məqsədi bu olmalı idi ki, kartla ödənişlər artsın, o da artır. İndi niyə mane olmağa çalışırlar? Onların nəyinə lazımdır ki, bunu araşdırırlar?”

Qeyd edək ki, ötən günlərdə Dövlət Vergi Xidməti “ƏDV geri al” layihəsindən sui-istifadə hallarının qarşısını almaq məqsədilə çeklərin araşdırıldığını qeyd edib. Bildirilib ki, gün ərzində əhəmiyyətli məbləğlər və xeyli sayda çeklərin vurulması müşahidə edilirsə, bu zaman vəziyyət nəzarətə alınır.