Hal-hazırda qatlanan telefon bazarına liderlik edən “Samsung” yenisi üzərində çalışır.
Bakupost.az xəbər verir ki, şirkət 2023-cü il üçün 3 dəfə qatlana bilən yeni smartfon hazırlayır.
Yeni smartfon ikiqat menteşəli və üç hissəli dizaynla görünəcək.
Eyni zamanda, ekranda altı kameranın olacağı və buna üçlü arxa kamera quruluşu ilə müşayiət olunacağı da məlumatlar arasındadır.
Qeyd edək ki, Cənubi Koreyalı smartfon istehsalçısı Samsung ilk dəfə Galaxy Fold ilə qatlana bilən telefon bazarına girib. Daha sonra yeni modelləri ilə zirvəyə yüksəlib.
Bir neçə il əvvəl Galaxy Tri-Fold adlı, ekranı üç dəfə qatlanan yeni smartfonun patentini alıb. İndi isə bu telefonu həyata keçirməyə hazırlaşır.
Aynur
BakuPost