Dünyanın ikinci ordusu ukraynalı uşaqlara qarşı vuruşur.
Bakupost.az xəbər verir ki, bunu Ukrayna lideri Volodimir Zelenski deyib.
O bildirib ki, Ukrayna öz uzaqmənzilli silahları ilə Rusiya cəbhə xəttindən 150-3000 km aralıda yerləşən mövqelərə zərbə endirə bilər.
Zelenski həmçinin qeyd edib ki, Kiyev Rusiyadakı hədəfləri vurmaq üçün heç vaxt Amerikanın uzaqmənzilli silahlarından istifadə etməyib.
“Hər gün yeni bir silah gətiririk. Bəlkə sabah bizdə “Tomahavk”lar olacaq”.
Ukrayna lideri Rusiyanın oktyabrın 22-də Xarkovda 4 nəfərin yaralanması ilə nəticələnən uşaq bağçasına hücumuna da münasibət bildirib:
“Dünyanın ikinci ən güclü ordusu ukraynalı uşaqlara qarşı döyüşür”, – deyə Zelenski vurğulayıb.