İqtisadiyyat Nazirliyində nazirin birinci müavini Elnur Əliyevlə ABŞ Dövlət Departamentinin nümayəndə heyətinin görüşü keçirilib.
Nazirliyin mətbuat xidmətindən Bakupost.az-a verilən məlumata görə, görüşdə Azərbaycan–ABŞ iqtisadi əməkdaşlığının mövcud vəziyyəti, prioritet tərəfdaşlıq istiqamətləri müzakirə olunub. Nəqliyyat dəhlizlərinin inkişafı istiqamətində əməkdaşlığın regional inkişafa töhfə verəcəyi vurğulanıb.
Tərəflər iqtisadi-ticarət əlaqələrinin genişləndirilməsi, enerji və qeyri-neft sektorlarında tərəfdaşlığın genişləndirilməsi imkanlarını nəzərdən keçiriblər.
